Ég er hrædd :(

"Geir sagðist á fundinum hafa fengið umboð þingflokksins til að vinna úr þessu máli eins og best væri fyrir Sjálfstæðisflokkinn og þá vonandi einnig fyrir þjóðina."

 

Ég ætla rétt að vona að þessi api reyni að gera það sem er best fyrir þjóðina. Er það ekki það sem hann var kosinn til að gera?
Ekki að ég hafi kosið hann, ekki að ég myndi nokkurntíman gera  það.

 

Guð hvað ég er fegin að vera að flytja út

 

Af hverju ætti Framsókn að fá að vera í stjórn? Fólk er greinilega ósátt, mesta fylgistap þeirra í sögu flokksins. Hvernig er það þá gott fyrir lýðinn að fá þá í stjórn? Kannski gott fyrir þessa 11,7% sem kusu þá... En hvað með restina?

 

Mig langar að gráta. 

Geir: Sérstök ákvörðun ef stjórnarsamstarfið heldur ekki áfram

Gærkvöldið o_O

Nokkrar af okkur stelpunum ákváðum að kíkja í bíó, á spæderman. Vúú! Þó ég muni ekki neitt eftir mynd no2, þá hlakkaði ég samt til. 

Mættum uppí Regnboga. Ein af stelpunum hafði komið með 10 ára systur sína... Well, allt í lagi! Myndin hófst, ógó spennandi! Svo eftir um það bil 40 mínútur (myndin er 2h40) kviknaði ljós aftast í salnum, svona ljóskastari! Ein af okkur fór fram og lét vita. Þegar hún kom til baka hafði allt tal brenglast. Allt hljómaði eins og það væri í dós. Önnur hljóð voru í fínu. Þetta var sko ógó spennandi atriði, alveg hrikalega flott! Hún fór aftur fram.

Skömmu seinna slökknaði á myndinni. Bið. Endalaus bið. Ætli þetta hafi ekki verið um 20 mínútur. Á einum tímapunkti fór ég fram og spurði hvort þetta væri venjulega hléið (sem gat samt ekki verið vegna lengdar myndarinnar), þau sögðu að það væru 3 mínútur í myndina.
10 mínútum seinna kom strákur inn, starfsmaður, og sagði  okkur að rafmagnið hefði dáið í sýningarherberginu, og við þyrftum að fara heim. Fengum frímiða.

Hvað gera stelpur á girl's night out með 10 ára barn þá?

Kaffihús!

Við röltum niðrí bæ, ætluðum á Café Paris. En þá kom í ljós að það var stútfullt. Eftir að hafa athugað nokkur kaffihús, annað hvort full eða lokuð, ákvað litla stelpan að hún vildi fara heim. Þrátt fyrir tilraunir mínar til að múta henni með ís eða súkulaðiköku og kakói, þá vildi hún heim. Systir hennar, vinkona mín, var háð fari hjá annari stelpu, en þriðja stelpan var LÍKA háð fari hjá henni. Ég var eina sem var laus og liðug á strætó. Ojæja....
Við röltum allar upp á hverfisgötu, þar sem bílnum var lagt EFST. Þú veist , hjá 10-11. Við sátum allar inní bíl og spjölluðum smá... Þangað til ég ákvað að það væri tími til kominn að fara í strætóskýlið og bíða eftir vagninum mínum.

Það voru 5 mínútur í hann þegar ég fattaði að hann stoppaði alls ekkert þarna!
Ég hljóp á Hlemm, með poka fullan af mat sem ég keypti í  áður nefndri 10-11 búð,  og settist niður þar. Hjúkket, nokkrar mínútur í hann!

Beið. Og beið. Ákvað loks að eg hefði líklegast misst af síðasta vagninum =/ Klukkan var orðin rúmlega 11. Alas!! Hann kom! Hann stoppaði í sirka sekúndu og keyrði svo áfram!!! Ég átti fótum mínum fjör að launa, náði honum loksins á rauðu ljósi. Það var líka einhver róni sem náði honum þar. Bílstjóranum fannst þetta voðalega fyndið. Það er nú gott. Ég missteig mig á hlaupunum og fann til í fæti og baki. 

Eftir um það bil mínútu í vagninum, tómum fyrir utan mig, rónann og bílstjórann káta, þá kom júróvisjónlagið í útvarpið. Bílstjórinn hækkaði, mjög hátt, og söng með! Róninn tók undir. Ég var farin að halda að þetta væri Kleppur - hraðleið. Jii....  

Þetta var speees kvöld.... get ekki sagt að það hafi verið mjög vel heppnað. Vona að kvöldið í kvöld verði betra (lesist: Ég vona að stjórnin falli).

 

Óver and át. 

Ég hef aldrei

kosið í svona. Af hverju ætti ég að eyða 100kr í að hjálpa einhverju öðru landi að vinna? Iss piss.

Annars er þetta verð svoldið að taka fólk í það þurrt...

 

 

Ég says:
.. annars er ég bara að pæla í hvern ég eigi að kjósa á laugardaginn ...
Litla systir says:
Hva, í eurovision?
Ég says:
Nei, alþingi, kjáni
Litla systir says:
Ó er það núna?

 

 

Ég held með þýskalandi í eurovision, og er loksins búin að ákveða mig hvern ég eigi að kjósa á alþingi :) 

Íslendingar greiða hátt verð fyrir Evróvisjónatkvæðin

*mont*

Jeeeeei

núna þegar ég er loksins byrjuð að skána eitthvað almennilega eftir aðgerðina, ákvað ég að kaupa mér kort í Laugum.

Labbaði þangað galvösk í gær. Byrjaði á því að stíga á viktina. Úúúbbbbbs, búin að bæta meira á mig en ég hélt eftir að ég þurfti að hætta í íþróttunum.... Jæja, ég er þó byrjuð aftur :)

Það voru nú engin ólympíumet slegin þann daginn á þessum bæ.. en þetta er byrjun. Ég get ekki lyft eða neitt strax, hendurnar eru ekki nógu hressar til þess. En ég get bætt þolið.

Svo er ég byrjuð að gera eitt sem ég bjóst aldrei við að gera. Telja kaloríur. Fann voða sniðuga síðu, http://www.calorie-count.com.  Vúú!

Var að fá mér ógeðslega góða eggjahræru... Ætla að leyfa maganum að róa sig aðeins, og labba svo niðrí Laugar aftur

 

Annars þá var ég í stærðfræðiprófi í gær. Ef allt gengur að óskum, er ég orðin stúdent í stærðfræði. Go me. Annars veit ég ekki sko... þurfti að eyða hálftíma í eitt stakt dæmi, sem bitnaði svoldið á öðrum dæmum. En ég held ég hafi klárað öll dæmin nema 2, og ég held ég hefði ekkert getað klárað þau...

Svo á föstudaginn er ítalska, og þá er ég búin.

 

Ó, og ég missti foreldra mína á föstudaginn. Ég komst að því að þau eru geðsjúklingar, og ég vil ekki eiga nein samskipti við þau framar. Mér líður bara vel með það Fín byrjun á sumrinu! Laus við þau og byrjuð að æfa mig (og telja kaloríur )
Nú get ég bara einbeitt mér að vera sjálfstæð, sem þau hafa gert frekar erfitt fyrir mig, jafnvel þó það sé um það bil ár síðan ég flutti frá þeim. 

 

Arfi out! 

Papa Natale

 

 

 

 

 

 

 

 

  

Papo Natale Svona mætti hann til jólamessu (held það hafi verið jólamessAN, allaveganna var þetta um jólin) 2005. Ég var einmitt stödd á Ítalíu þau jól, og æj mig auma hvað það var mikið grín gert að honum

 

 

 

 

 

 

 

 

 

 

 Vona hans vegna að þessi mynd sé feikuð. There's something about Benedicto!

Arfi terroristi

 

 

 

 

 

 

 

 

 

Nei í fullri alvöru, þá held ég að Benedicto eigi eftir að eiga erfitt með að vinna sér inn jafn almenna virðingu og hann Giovanni Paolo II heitinn hafði meðal almennings. Bara mín tilfinning, flestir kaþólikkar sem ég þekki eru ekkert allt of hrifnir af honum.  

„Gagnrýni á Páfagarð jafngildir hryðjuverkum"

Bíddu bíddu....

Eiga foreldrarnir að geta passað uppá að börnin geri ekkert af sér á meðan börnin eru á leikskólanum og foreldrarnir í vinnunni? Er ekki ástæðan fyrir því að flest börn eru send á leikskóla sú að það þarf að fylgjast með þeim svo þau geri ekki eitthvað af sér? Þessi strákur á við þroskahamlanir að stríða og það var búið að láta starfsfólk leikskólans vita að það mætti ekki skilja hann eftirlitslausan. Og foreldrið á að borga fyrir það að starfsfólkið var ekki að vinna sína vinnu?
Piff.

Finnst nær að láta starfsfólkið borga úr eigin vasa, þar sem þetta er þeirra feill að fylgjast ekki betur með barninu.

 

Heimski heimur.... 

Ósátt við dagvistina

Það er nú gott

að maðurinn var dæmdur í langt fangelsi.

 

Neysla á LSD hefur farið vaxandi

Zeta

Þið hafið vonandi tekið eftir því að zetan var felld úr íslensku árið 1973?

Þakka að zinni. 

Viðræður við Þýzkaland um öryggi og varnir

Íshokkí

Ég er mikill íshokkíunnandi.

Það er mjög spes munurinn á karla og kvennahokkíi á Íslandi.

Það eru strangari reglur hjá konum. Við megum ekki vera jafn grófar við andstæðinga okkar, og svo eru strangari reglur með hjálma og hálshlífar. Ég man ekki nákvæmlega hvernig reglurnar eru, þar sem ég er sátt við minn hjálm,  en það er greinilegt að konur mega ekki fá sár og ör í andlitið, eins og karlarnir ;)

Í Birninum, sem er eina íshokkíliðið í Reykjavík sem býður upp á kvennahokkí, þurfa stelpurnar að nota búninga frá Meistaraflokki Karla. Þær fá ekki sína eigin búninga, heldur þurfa að nota sveittar treyjur frá köllunum. Sjaldnast passa þær vel. Þeir fá aftur á móti allan ágóðann af auglýsingunum sem eru í bak og fyrir á treyjunum. Ætli þeir hafi notað þann pening upp í risastóra einkabúningsklefann með stóra sjónvarpinu, leikjatölvunum og sófasettinu? Mér skilst að þeir borgi heldur ekki félagsgjöld, eins og Meistaraflokkur kvenna þarf að gera. 

Stelpurnar semsagt nota búningsklefa sem eru allt of þröngir (þetta er ekkert lítill útbúnaður sem maður þarf), þær skauta um í auglýsingum sem strákarnir fá borgað fyrir, og þær þurfa að borga fyrir það. 

Minn draumur er sá að kvennahokkí verði vinsælla. Að fólk fari að mæta á leikinn. En til þess þarf víst að auglýsa, þó það væri nú ekki nema A4 blað í Egilshöllinni.

 

Skautafélag Reykjavíkur Íslandsmeistari annað árið í röð

Magnað

Fyrsta sem mér datt í hug eftir að lesa þessa frétt var "æi en sorglegt að þetta skuli vera svona". Næsta hugsun var samt "en frábært að það sé svo margt búið að breytast". 

Fyrir tíu árum var leikkonu útskúfað fyrir að kyssa aðra leikkonu í sjónvarpsþætti. Í dag höfum við þætti eins og The L-word, Queer as Folk, Queer Eye for the Straight guy, Sugar Rush, Will & Grace, og þessir þættir eru ekkert tiltökumál. Samkynhneigð  er í flestum hópum samfélagsins alveg eðlilegur og viðurkenndur hlutur. Margt eldra fólk og þeir sem sökkva sér allt of djúpt í trúarbragðadjúpulaugina eru reyndar oft með gífurlega fordóma, en mér virðist sem flestir séu frekar opnir fyrir þessu. Sem er auðvitað hið allra besta mál.
Fólk á ekki að þurfa að fela hvað og hverjir þau eru. Þú átt ekki að þurfa að missa vinnu, vini, fjölskyldu, réttindi, af því að þú ert gay en ekki straight. Ég var heldur ekki rekin þegar ég ákvað að fá mér hamstur en ekki kött. Þetta er bara hlutur sem kemur öðrum ekki við, og þannig á það bara að vera. 

 

Svo er eitt sem fer svo innilega í mínar fínustu taugar. Það er þegar fólk heldur að það sé bara svart og hvítt. Annað hvort ertu straight eða gay. Ef þú segist vera bi, þá ertu athyglissjúkur loddari. En hvernig getur þetta fólk vitað hvað öðrum finnst og hvernig öðrum líður?  Það er rétt, það eru mjög margar stelpur sem þykjast vera bi til þess að fá athygli, en það eru miklu fleiri stelpur sem eru það í alvöru. Margir halda því jafnvel fram að allir séu það, bara á misjöfnum stað í skalanum. Ég veit nú ekki um það, en ég veit af persónulegri reynslu að þetta er ekki algjörlega svart og hvítt, það eru nokkur afbrigði af gráum inn á milli

Fékk ekki vinnu í ár eftir að hún kyssti Ellen