Zeta

Þið hafið vonandi tekið eftir því að zetan var felld úr íslensku árið 1973?

Þakka að zinni. 

Viðræður við Þýzkaland um öryggi og varnir

Athugasemdir

[ufaikr, 26.4.2007 kl. 10:38]

Ef mér leyfist þá vil ég einfaldlega benda á að saga stafsetningar á Íslandi er löng, og það er ekki hægt að segja að stafurinn hafi verið felldur úr íslensku á nokkru öðru stigi en opinberu. Ef að þú athugar það nánar þá muntu sjá að hvergi stendur í íslenskum lögum að á Íslandi sé töluð íslenska, eða nokkuð þannig.

Ástæðan fyrir því að þér er kennd ákveðin stafsetning í skóla er sú að skólinn er borgaður af ríkinu, og ríkið hefur samræmt með sér ákveðna stafsetningu sem að birtist í auglýsingum. Það er samt ekki annað en rétt stafsetning nema innan viss hóps.

Svo má líka benda á að tungumál og ritmál eru gífurlega óskyldir hlutir, og að zetan verður seint felld úr íslensku í orðum eins og að kyssa í miðstigi. "Þau hafa kysst" myndar tísthljóð aftan á hjá mörgum allavega.

Og svo í síðasta lagi ber að benda þér á að zetunotkunin þín samræmist ekki viðurkenndri zetanotkun. Z í ritmáli var notað til að tákna þar sem að s mætir tannhljóði, svo sem t, samanber bezt, íslenzkt, og svo framvegis. Og það voru allra helst blaðamenn sem að heldu þessari stafsetningu á lofti á sínum tíma, ef ég man rétt.

En þetta er eitthvað sem að þú ættir að geta spurt íslenskukennaran þinn um?  Hann ætti að geta svarað þessu betur, allavega. Ef hann er almennilegur, það er að segja.

[Birnuson, 26.4.2007 kl. 11:52]

Ég ráðlegg þér að fylgjast náið með Jóni Sigurðssyni. Þar er á ferð rammur íhaldsmaður sem hefur verið smyglað inn í Framsóknarflokkinn til þess að brjóta það virki endanlega. Jón mun svo rísa upp sem nokkurs háttar Sverrir Hermannsson II og endurreisa setuna. Honum tekst allt sem hann tekur sér fyrir hendur.

[Arfi, 26.4.2007 kl. 20:02]

Ófeigur,  er þá rétt að segja "þau hafa kyzzt"?

Mér finnst endilega eins og ég hafi lært að zetan mætti vera í sérnöfnum sem gefin voru fyrir reglubreytingar, og í ættarnöfnum. Getur verið að ég sé að rugla, langt síðan ég hef þurft að læra íslensku.

Annars er mín persónulega skoðun að óhófleg zetunotkun, sérstaklega á almannafæri grínlaust,  sé svoldið wannabe-legt. Að reyna að vera merkilegri og háfleygari en maður raunverulega er. Mín skoðun.

[Birnuson, 27.4.2007 kl. 08:12]

We are the wannabes. Join us!