Eins og heimavist?

Ég hef nú aldrei búið á heimavist, en ég hef heimsótt eina slíka á Íslandi. Ég man ekki alveg hversu mörg herbergi voru á ganginum, held þau hafi verið 14 einstaklingsherbergi. Það voru 2 sturtur, ein fyrir karlmenn og ein fyrir kvenmenn. Ég heyrði aldrei neinn kvarta undan því...

 

Ágæt vinkona mín er að leigja herbergi uppi í Breiðholti. Þetta eru um það bil 8 fermetrar, og hún deilir klósetti og sturtu með 4 öðrum herbergjum, sem hafa 1-2 íbúa í hverju.

 

Þegar fólk vill leigja ódýrt held ég að það sé ekkert að setja útá það að þurfa að deila baðherbergi... Ef þeir væru ekki að leigja þarna væru þeir að leigja almennt, og jeminn, ég veit að það er ekki ódýrt. Margir útlendingar eru hérna tímabundið til að vinna sér inn pening, lifa ódýrt hér á meðan, og fara svo aftur heim og lifa í vellystingum. Ef þeir eru sáttir í þessu húsnæði, af hverju ætti einhver að vera að rífa þá þaðan og láta þá eyða peningunum sínum í leigu?

„Alvarlegar athugasemdir við fréttaflutning Íslands í dag"

Jibbí

Ég vona að þetta gangi bara vel hjá þeim, Britney verði eins eðlileg og mögulegt er, og við hættum að sjá fréttir á hverjum degi af kvikindinu. Þetta er allt a verða dulítið þreytt.

Britney á föstu með rúmlega tveggja metra körfuboltamanni

Ég man...

...þegar ég fór til Marokkó fyrir 2 árum síðan. Á landamærum Ceuta (landskiki í eigu Spánverja í norður-Afríku) og Marokkó var stranglega bannað að vera með myndavélar uppivið. Ég velti mér ekkert mikið uppúr því þá, setti hana niður í tösku og hélt áfram minnar leiðar. Seinna komst ég að því að ástæða myndavélabannsins er sú að það kemur stjórnvöldunum svo voðalega illa ef að myndir leika um netið af landamæravörðum að berja vegabréfslausa Marokkóbúa. Það er víst nær því daglegt brauð. Því miður.

 Reglur með vegabréf eru á þann veg í Marokkó að aðeins þeir sem hafa fasta atvinnu mega fá vegabréf. Það er gert til þess að atvinnulaust fólk streymi ekki til annara landa, eins og til dæmis Spánar. Því miður eru mjög margir atvinnulausir í Marokkó. Fólkið getur ekki fundið sér vinnu, en getur heldur ekki farið neitt. Ferðamenn þurfa að passa vel uppá vegabréfin sín, þar sem fólk reynir stundum að ræna þeim og nota þau sjálf. Skil samt ekki alveg hvað fólk í Marokkó ætti að gera með vegabréfið mitt, þar sem ég er ljóshærð og bláeygð, en ojæja...

Tveir féllu í hryðjuverkaáhlaupi lögreglu í Marokkó

Stress í gangi!

Ég er á nálum.. og á morgun verð ég undir hnífum. Er að fara í tvær aðgerðir, eina á hvorri hönd. Jeminn hvað ég er hrædd! Ég er að hanga eins mikið í tölvunni og ég get í dag, því ég veit fyrir víst að eftir þessar aðgerðir á ég eftir að verða þreytt á því að reyna að skrifa eitthvað. Ég reyndi það eftir fyrstu tilraunina til að laga hendurnar, ekki sniðugt. 

 Er búin að vera lasin í dag og seinnipart gærdagsins, ligg bara uppi í rúmi með fartölvuna. Svo byrjar skólinn á miðvikudaginn, og ég er ekki búin að vera eins dugleg og ég hefði óskað að læra. Ætli ég segi mig ekki bara úr jarðfræðinni, er ekki búin að gera neitt alla önnina svona er þetta, þegar maður hefur ekki áhuga á áföngunum!!

Kannski ég skríði útí búð snöggvast, þarf að fá mér að borða í kvöld þar sem ég má ekki borða neitt á morgun..

Hryllingur

Þetta er alveg hræðilega hátt hlutfall barna sem verða fyrir ofbeldi, kynferðislegu sem og öðru líkamlegu ofbeldi. Þetta á einfaldlega ekki að fyrirfinnast... Ég vildi að það væri eitthvað sem maður gæti gert Ég las núna um daginn einhverjar tölur um þetta á íslandi, þannig að statiscially hafa 2 úr vinahópnum orðið fyrir kynferðislegu ofbeldi eða misnotkun. Ég veit um eina í þeim hóp sem lenti í því, en það er því miður ekki ólíklegt að þær séu fleiri

Það á að gelda svona fólk sem gerir svona hluti og henda þeim í lífstíðarfangelsi. Og auðvitað hækka "lífstíðardóminn" úr 16 árum í eitthvað aðeins hærra, eins og 60 ár. Ekki að það lagi sálartetrið hjá fórnarlömbum, en það bjargar öðrum úr klónum.

Algengt að börn séu misnotuð á Indlandi skv. nýrri rannsókn

Frábært

Það er frábært að hún fannst.

Ég mun aldrei gleyma því þegar besta vinkona mín hvarf og enginn vissi hvar hún væri.. það var með verstu dögum lífs míns. Sem betur fer komst ég að því hvar hún væri, og hún var sama sem heil á húfi

Kona sem lýst var eftir komin fram

Jiii

Mig langar í ísbjörn! En ég bý í of lítilli íbúð

En ég myndi frysta marga ísmola handa honum, og vera voða góð!

Spurning hvort að hann og hamsturinn yrðu vinir? 

Knútur tvöfaldar aðsóknina að dýragarðinum í Berlín

Áhyggjur?

Hvað er langt síðan hún hætti með Vince Vaughn? Held það sé ekkert svo langt.. hvað eru vinir hennar að hafa stanslausar áhyggjur af greyið konunni? Hefur hún lýst yfir einhverjum áhuga á að fara aftur að deita? Eru einhverjar reglur um að sætar leikkonur verði að vera í sambandi? Ef hún vill fara út með einhverjum, þá gerir hún það. Ég get ekki ímyndað mér að hún eigi erfitt með að finna sér deit!

Sæt, ungleg leikkona á fertugsaldrinum leitar að myndarlegum manni með dökkt hár og græn augu. Þarf að hafa áhuga á kaffihúsum og löngum gönguferðum meðfram ströndinni. Viðkomandi leikkona er rík. Áhugasamir hafi samband... 

Vinir Aniston sendu hana á blint stefnumót

Jæja.

Enn ein tilraunin til að halda út bloggi. Jæja, það má reyna! 

 

Sit hérna uppí sófa í mestu makindum og háma í mig páskaegg. Ætli maður verði ekki pakksaddur þegar ég fer í páskamatinn til mömmu og pabba? Mmm hangikjöt, ég get ekki beðið!

Fékk mér páskaegg númer 10, svona ástaregg ! Kallinn sagðist ætla að hjálpa mér, en svo í morgun eftir að það var ráðist á það sagðist hann bara vilja nammið sem er inní því. Eftir nánari athugun sagðist hann bara vilja karamellurnar. Þá neyðist ég víst til að borða það allt =/ Held það taki nokkra daga!