Arfi bloggar

Sumarið er tíminn. Mótorhjólamenn taka hjólin úr bílskúrunum og fara að rúnta. Sumir rúnta hraðar en aðrir, því miður. Eins rúnta sumir ökumenn bifreiða hraðar en aðrir ökumenn.

Svo kemur biturt og tregt fólk og segir "OMFG ALLIR BIKERAR ERU DÓPISTAR OG KEYRA OF HRAT SHITT MAR DREPUM ÞÁ!!!!".
Sú staðreynd að það er meira fjallað um ofsaakstur bifhjóla nú heldur en fyrir.. segjum 2 mánuðum, er það að nú er sumar. Það eru hundrað sinnum fleiri hjól núna en undanfarna mánuði. Þetta segir sig sjálft. Ef það bætist við í sauðahópinn eru alveg líkur á því að það bætist við í svarta sauðahópinn í leiðinni.
Ökumenn bíla brjóta jafnt af sér, ég er viss um að hlutfallið sé svipað (ef ekki hærra hjá bílstjórum), ekki segir fólk "Omg bílstjórar eru allir dópistar, best að banna þá í hverfinu!"

 Þá er ég búin að koma þessu frá mér. Tek það fram að ég hef aldrei komið við mótorhjól, hvað þá stjórnað slíku.

Naglabretti.
Hvernig er aftur auglýsingin? Ökumaður bíls á 90kmph sem er ekki í belti er með fallþungann X-tonn, sem er eins og 2 afríkufílar? Eitthvað þannig. Hvað ætli ökumaður bifhjóls á 150kmph sé þá margir fílar? Hvað ætli hálsinn og hryggurinn á honum gæti endað í mörgum pörtum ef hann þeytist af svona bretti? Löggan getur alveg eins komið fyrir sprengjum á veginum, nú eða setið í vegkanntinum með riffil og beðið eftir að hjólið þeysist framhjá.
Kannski þeir vilji drepa konuna og börnin í leiðinni? Skreppa bara heim til þeirra í leiðinni. Mótorhjólamenn eru jú auðvitað óþverralýður, dópistar og morðingjar. Best að klára þetta bara allt í einu.

Ég keyri nú frekar mikið um á toyotunni minni. Ég hef aldrei nokkurntíman sagt "Oh helvítis mótorhjól, að svína svona á mig!!"
En ég má telja mig heppna ef ég kemst heim ósködduð eftir að ökumenn fólksbíla og jeppa fatta ekki að biðskylda þýðir að þeir eigi að bííííða.

	Lögreglan fái búnað til að stöðva hraðakstur bifhjóla
Ábyrgðarmaður færslu Tilkynna um óviðeigandi tengingu við frétt

í svitakasti inná skrifstofu að gera ekki neitt, því ég er búin með allt sem ég get í dag. 12 mínútur þangað til ég má stimpla mig út..........

Væri til í að vera í fríi :)

Flott að fólk sé að taka sinn tíma, deyja ekki úr stressi, nái að njóta námsins og geti jafnvel tekið auka áfanga.

Ég er fædd árið 1987, sem þýðir það að ég hefði átt að útskrifast síðastliðinn laugardag.
Haustið 2006 var fremur erfitt fyrir mig, andlega. Ég fékk þess vegna að taka mér frí frá skólanum, og sneri til baka í janúar.

 Mér hefur aldrei gengið jafn vel í skólanum og á þeirri önn sem var að klárast. Þrátt fyrir veikindi - að þessu sinni frekar á líkamlegu hliðinni heldur en á hinni andlegu. Ég þakka þessu fríi fyrir það, ég náði að hvíla mig frá þessu og kom til baka hress, áhugasöm og endurnærð.

Núna á ég 24 einingar eftir. Ég gæti tekið þær allar í haust og útskrifast um jólin, en hvers vegna að taka það margar einingar og fá kannski ef til vill bara sexur - þar sem 24 einingar er ekki lítill pakki?

Nei, ég vil það ekki. Ég ætla að byrja í fjarnámi í júní, og taka 9 einingar. Tölfræði, afbrigðasálfrði og jarðfræði, as a matter of fact. Í haust mun ég taka 9 einingar í fjarnámi - með ca 60% vinnu-, ég ætla að flytja til útlanda um jólin. Í janúar tek ég svo 6 einingar, og útskrifast í maí.

Þá verð ég búin að vera í menntaskóla, með hléi, í 5 ár. Og ef einhver dirfist að kalla mig aumingja, fallista eða letingja, þá buffa ég viðkomandi.

Vinkona mín fékk peningaverðlaun fyrir að nýta sér áfangakerfið einstaklega vel. Einnig fékk hún verðlaun fyrir góðan árangur í líffræði, og bókaverðlaun fyrir að vera einingadúx. Hún útskrifaðist á þremur brautum á fjórum árum.
Ég, hinsvegar, mun útskrifast með 141 einingu af einni braut á 5 árum. Ég skammast mín ekki neitt.

Og ef einhver sem gæti mögulega lesið þetta veltir því fyrir sér af hverju ég sé í svona mikilli vörn, ef vörn má kalla, þá er það af því að ég hef fengið nóg af fólki sem telur mann minni mann (konu?) fyrir að taka stúdentsprófið ekki á þessum stöðluðu 4 árum - helst af fleiri en einni braut.

Fokk jú, bitses.

	Helmingur nýstúdenta eldri en 20 ára
Ábyrgðarmaður færslu Tilkynna um óviðeigandi tengingu við frétt

Fréttamaður mbl hefur verið að leita að einhverju djúsí stöffi á torrent.is þegar hann fann þennan leik... fréttamaðurinn er sjálfur argans perri, og er meðvitað að dreifa boðskap leiksins og troða honum í undirmeðvitundir lesenda, vitandi það að forvitnin á eftir að fara með brjálaðar húsmæður. Hann er nefnilega að share-a þessu og vantar betra upload rate.

Annars eru svona leikir ekkert nýjir af nálinni... sé bara ekkert fréttnæmt við þetta!

	Nauðgunarþjálfun á Netinu
Ábyrgðarmaður færslu Tilkynna um óviðeigandi tengingu við frétt